السلام عليكم شحالكوو؟ وعلومكو؟ ربكو بخير وسهالة ؟
ما ابي اطول عليكم هذي قصيدة من قصايد جمعة بن نايف الكعبي الي يغنيها الفنان سعيد العامري
# على كيفك#
على كيفك أنا صبْري وصَلْ حـــــدّه من إسلوبك ... إذا حبّيــت تنسانـي تخيـــّر درب تسلـم به
أنا مانـي أسيــــرٍ لك ولانـي عبــد مطلوبك ...علي إني عطيتـك حب أبــدْ ماكنـت تحلم به
نعم تحسبْنـــي بعينـك مثل ما قيــل محسوبك ... بدت توصـل مواصيلك صريـــح القلب تلعب به
ضعيــفٍ في عيونــك صرتْ .. والسبّه طوَل ثوبك ... عطيتك فــوق حقّـك وإنتْ بالتمثيــل تتشبّه
تعاند!! عايـشٍ دورك تطـــــــاوع من يداروبك ... قصيـدي يوصلـك وإنتـــه معانــد منْه تتنبّه
على دوبــــك وسامحلك تقضّيهــا على دوبك ... تحِـب اللي تحبّــه حر .. ما يفـرق مـن تحبّه
أنا مانـْدم على وقتـــي وراسك صار من صوبك ... تعوّضت بهـوى غيــرك ومتكيّــف على دربه
قطعـت من المسافة شوط متميّـــز عن إدروبك ... حبيبٍ يفخـر بوصلي وأنا في وصله أفخر به
الأربعاء مايو 28, 2008 11:18 pm